Xəbərlər

İnteryerdə rəsm

Mən Rəfibəyli Əsra İnteryer Rəngkarlığı ilə məsğulam. İnteryer Rəngkarlığı nədir? İnteryer rəngkarlığı (fransız. Interieur – daxili) otağın və ya binanın daxili dekorasiyasının kətan üzərində təsviridir. Boş divarlar interyerin yarımçıq və darıxdırıcı görünməsinin əsas səbəblərindən biridir. Və bu səhvi düzəltməyin ən asan yolu şəkil asmaqdır.

Özümü tanıyandan bəri rəsmlə məsğulam, əlimdən qələm düşməyib. İlk rəsmimi təbəssümlə  yadıma salıram həmişə .. Nənəmin ilk portretini çəkmişdim, o zaman 4 yaşım olardı. Nə çəkdiyimi bilmək istəyirsiniz? Dairə çəkmişdim. Nənəmə dedim ki, bu onun rəsmidir, reaksiyası gözlədiyim kimi olmamışdı, mənə qəribə  baxırdı, sanki incimişdi. Balaca olduğuma görə düşündüm ki, gözlərini çəkməmişəm deyə inciyib və dairənin içinə iki nöqtə əlavə edib dedim  :- Bu isə Gözlərin! Çox gülmüşdü o vaxt və o zamandan bəri rəsm özümü ifadə etmək üçün ən gözəl və rahat  instrumentə çevrilmişdir. Rənglərin bir biri ilə uyğunluğu,  rəsm çəkərkən duyduğum o harmonik, qane edici hissler məni çox xoşbəxt edirdi. Daha sonra qərar verdim ki Azərbaycan Dövlət Ressamlıq akademiyasına – İnteryer üzrə Dizayn – fakultesinə sənədlərimi verim. Çox xoşbəxtəm ki sırf bu peşəni seçmişəm. Sevdiyin işlə meşğul olmaq işləməmək deməkdir, əksinə – istirahət etməkdir.
Burada müxtəlif janrlarda olan rəsmlərimi görə bilərsiniz. Bəli, ressam kimi mən bir neçə növ janrda rəsm çəkə bilirəm. Interyer üçün imressionizm, abstraksionizm, realizm, ekspressionizm janrlarında rəsmlərimi görə bilərsiniz.
İnteryer üçün rəsmlər çəkmək xüsusi diqqət və elm tələb edir, belə ki rənglərin bir biri ilə uyğunluğu, interyerin hansı stildə rəsm tələb etdiyini  və s. bilmək şərtdir. Məsələn, minimalizm stilində olan interyerə klassik çərçivəli bir rəsm yerləşdirsəniz məqsədə uyğun olmaz. Daha çox sadə və minimalistik çərçivələr seçmək  gözəl olar. Bu cür nümunələri artırmaq olar.

Interyer üçün rəsm seçərkən nəyə diqqət etməlisiniz?

Mən bu mövzunu bir neçə hissəyə  ayırmaq istəyirəm. Bunlar:
1) Interyerin tələb etdiyi rəsm ölçüsü
2) Rəsmdə mövcud olan rənglərin interyerlə uyğunluğu
3) Interyerin tələb etdiyi rəsm mövzusu və süjeti.

INTERYERIN TƏLƏB ETDIYI RƏSM ÖLÇÜSÜ

Böyük bir rəsm kiçik bir otağı vizual olaraq Balacalaşdıracaq və kiçik kətanlar böyük bir ərazidə itiriləcəkdir.
Başqa bir kiçik hiylə var: şaquli rəsmlər və ya bir neçə rəsm və ya posterdən ibarət şaquli kompozisiya tavanı vizual olaraq daha uzun edəcəkdir. Ancaq bu texnika ilə yüksək tavanlı mənzillərdə “yaxşı effekt” əldə etməmək üçün daha diqqətli olmalısınız. Belə binalar üçün üfüqi şəkildə yerləşən böyük kətanları seçmək daha yaxşıdır.

   

RƏSMDƏ MÖVCUD OLAN RƏNGLƏRIN INTERYERLƏ UYGUNLUGU

Şəkilin interyerdə ahəngdar görünməsi üçün otağın rəng sxeminə uyğun olduğundan əmin olun. Eyni zamanda, kətan həm otağın rənglərində, həm də bir-birini tamamladığı təqdirdə ziddiyyətli rənglərdə ola bilər.

 

INTERYERIN TƏLƏB ETDIYI RƏSM MÖVZUSU VƏ SUJETİ.

Evinizdə hansı şəkili asmaq istədiyinizə qərar verə bilmirsinizsə, bir neçə  variantı sınayın:

1) Filmlərdən və cizgi filmlərindən sevimli səhnələr, kitab qəhrəmanları ilə fan-art;
2) Getdiyiniz və ya getməyi xəyal etdiyiniz yerlərin şəkilləri; təbiət və heyvan şəkilləri;
3) Həvəsləndirici sitatlar və şəkillər;
4) Abstraksionizm. Bir şəkil seçərkən, öz zövqünüzə və hisslərinizə əsaslanmalısınız. Kənarların tendensiyalarına və məsləhətlərinə etibar etməyin, çünki bu şəkilə hər gün baxırsınız, ona görə də onun yalnız xoş emosiyalar doğurması vacibdir.

Bunlara riayət etsəniz  interyer üçün  şəkil seçərkən heç bir zaman çətinlik çəkməyəcəksiniz.

Rəsm işini almaq, əldə etmək istəyiniz varsa hansı amilləri nəzərə almalısız?

Rəsm əsərini əldə etmək, almaq fikriniz varsa bu amillərə diqqət yetirməyə çalışın:

1) Rəsm əsərinin müəllifin öz əli ilə çəkilməsinə diqqət yetirmək lazımdır. Çap vasitəsi ilə düzələn rəsm əsərləri interyerin ümumi görünüşünü ucuzlaşdırır.

2) Rəssamın istifadə etdiyi material və boyalar keyfiyyətli olmalıdır, əks halda rəsm əsərinin zamanla bir çox nöqsanları üzə çıxacaqdır.

Rəsm əsərinin qiymətinə hansı amillər təsir edir?

Bir sənət əsərinin qiymətinə bir çox amillər təsir edir, o, eyni dərəcədə rəssamın istedadından, onun əməksevərliyindən və fəallığından asılıdır.

Rəfibəyli Əsra.

Əlaqə üçün
Poçt : info@antaris.az 

Tel:[+99412]4401343

Mob:[+99470]4401343